Nagpanawagan ti Malakanyang a maisubli ti panagdayaw ken husto a galad dagiti agtutubo kalpasan a nag-viral ti video dagiti dadduma nga estudiante a mapapati a nangbastos ken ni Presidente Ferdinand Marcos Jr idiay Davao City.
Nagkiddaw iti pammakawan ti Department of Education Schools Division of Davao ken kinumpirmaranda nga uppat nga agad-adal ti dumalan iti disciplinary measures, guidance and counseling, ken values formation mainaig iti responsable a galad, digital citizenship, ken panangraem iti pada a tao.
Segun ken ni Palace Press Officer Claire Castro, napateg nga agbalin a nasayaat a pagwadan dagiti nabakbaket wenno nalaklakay ken dagiti lider tapno makasursuro iti husto a galad dagiti agtutubo.
Al-allukoyenna ti publiko nga agkakadua nga ital-o ti disiplina ken panagrespeto iti kagimungan.
