Vigan City – Kiniddaw ni Blessie Torres, ina ti pimmusay a babai nga agtawen sangapulo ket lima a matulungan isuna iti panagawid na ditoy pagilyan tapno makita iti maudi a gundaway ti anak na a pimmusay gapo iti pammaltog idiay Brgy. Daclapan, Cabugao idi napan a lawas.
Segun kenni Blessie Torres, maysa nga OFW idiay Kuwait, palubusan isuna nga agawid iti amo na ngem saan da nga sungbatan iti Plane Ticket na nga agawid iso nga agpakpakaasi isuna kenni Governor Ryan Singson a matulungan na isuna iti panagawid na.
Saan a pulos nga ekspektaren ni Torres a pummusay iti anak na iti nakaamames a wagas ta awan iti nadakdakamat ti anak na a parikot na tunggal nga agsarita da babaen ti videocall.
Impadanon ni Torres iti panagyaman na kadagiti amin a tattao a tumultulong kadakuada tapno magun-od iti hustisiya iti pannakapapatay iti anak na.
