Maysa nga ina ti pinatay ti anakna idiay Sitio Banga-an, Barangay Dinwede West, Cervantes, Ilocos Sur.
Nabigbig ti biktima a ni Adilina Bagbago Bayawa, agtawen iti limapulo ket uppat, agnaed iti nasao a lugar.
Ti suspek ket ni Rackson Bagbago Bayawa, agtawen iti duapulo ket uppat.
Nagresponde dagiti kameng ti Cervantes Police Sation iti nasao a lugar ket idi makadanonda, insuko ti suspek ti bagbagina karaman ti kayo nga inusarna a panangpang-or iti inana.
Segun iti anak ti biktima a ni Elicio Bayawa Bagbago, alas singko iti malem ti December 20, 2024 idi nakitana ti inana a nakadasay iti likodan ti balayda a dara-dara ti ulona.
Pinasingkedan ti suspek a nagririda iti inana isu a napang-orna iti ulona babaen iti kayo a puon ti nakatayan ti biktima.
Iggemen ti Cervantes Police Station ti suspek tapno maidalan iti husto a proseso.
