Pinasingkedan ni House Committee on Higher and Technical Education Chairperson ken TINGOG Party-list Representative Jude Acidre a masapul nga agtultuloyen ti proseso ti impeachment kontra ken ni Vice President Sara Duterte kalpasan a nasayaaten ti liderato iti Senado.
Segun ken ni Acidre, saan a pagsayaatan iti publiko no mapabayag pay ti proseso gapu ta pakakitaan daytoy ti talek dagiti umili iti gobierno ken kadagiti demokratiko nga institution.
Impaganetget ti agpampanday linteg a normal iti maysa a demokrasia ti agduduma nga opinion dagiti Pilipino, ngem saan a masapul nga usaren daytoy tapno pabayagen, riribuken, wenno laokan ti politika ti panagdenggeg.
Innayon ni Acidre a ti napateg ket agtuloy ti kaso iti maysa a patas, nasayaat ken nakapap-papati a wagas.
