Patulodan ti Senate Impeachment Court ti subpoena dagiti dua a dati a manager ti Landbank of the Philippines (LBP) tapno dumar-ay inton sumaruno a trial inton Hulyo 29.
Da dati a Landbank managers Violeta Constantino ken Nenita Camposano ti umuna a dua a testigo iti Article III wenno unexplained wealth a naipila kontra ken ni Vice President Sara Duterte.
Nangipatulod pay ti impeachment court ti subpoena kadagiti nadumaduma a bangko ken maseknan nga ahensia, ken nabilin nga alaen dagiti financial records ni VP Sara ken ti asawa na a ni Atty. Manases Mans Carpio.
Pinasingkedan ni Senate Impeachment Clerk of Court Atty. Renato Bantug Jr. a dagiti subpoena ket naipatulod iti Bureau of Internal Revenues (BIR) ken Anti-Money Laundering Council (AMLC).
