Maisayangkat ti imbestigasyon ti Senate Blue Ribbon Committee iti naanomalya a flood control projects inton Martes, August 19, 2025.
Segun ken ni Senador Rodante Marcoleta, tutukan ti imbestigasyon saan laeng a dagiti contractor nu diketdi uray dagiti korap nga opisyal ti gobierno a mangal-ala iti porsiento ti pondo iti proyekto a gappuanan ti bimmaba a kalidad ken integridad dagiti flood control facilities.
Segun ken ni Marcoleta, kalpasan a nangala iti bukodda a porsiento dagiti korap nga opisyal ket katukaden ti nasurok kagudua ti budget ti nagastos para iti actual project.
Nagpanawagan ti senador kadagiti umili a makikaysa ken mangted ti impormasyon, ladawan ken dadduma pay nga ebidensya a makatulong iti imbestigasyon.
Patien ti agpampanday-linteg a kabaelanda nga imbestigaran ken mabigbig ti akin-basol no laketdi makitinnulong dagiti umili.
Kabayatanna, mapasamak ti organizational meeting ken umuna a panagdenggeg iti session hall idiay Senado.
