VIGAN CITY – Agtultuloy iti imbestigasyon ti San Vicente municipal police station inaig ti pammaltog idiay Brgy. Bantaoay a nakatayan ni Jimmy Rodiris, agtawen ti uppat a pulo ket walo nga agnaed idiay Brgy. Pudoc, Norte.
Segun ken ni P/Lt. Roland Villaluz, hepe ti San Vicente PNP, im-imbestigarandan ti pakabigbigan ti suspek a naka-Tshirt ti nalabaga ken naka-tsinelas a nakahelmet ti puraw ken nakalugan iti Pink mio kas makita iti cctv footage iti nakapasamakan ti krimen.
Agawid kuman ti biktima ta napan na intulod ti ikit na idi pinaltugan ti saan pay a nabigbig a suspek a nagsagabaan iti uppat a tama ti paltog iti bukotna, maysa iti takyag ken maysa ti pispisna a puon ti nakatayanna.
Naala iti nakapasamakan ti krimen ti lima nga empty shell ti mapapati a caliber 45 pistol.
