VIGAN CITY – Atapen ni Principal Benilda Canonizado ti Silang Elementary School a kuwarta iti ranta a takawen dagiti saan pay nabigbig a suspek a nagtakaw ti laptop ken CCTV recorder iti nasao a pagadalan a masarakan idiay Barangay Puspus, Bantay idi naminsan nga aldaw agsipud ta nasukainan dagiti drawer iti opisina na ngem saan da a binibiyanganen dagiti dadduma pay nga alikamen na nga adda iti uneg.
Patien pay ni Canonizado a dagiti napan nagtakaw ket naikabesa dan iti nagturungan da isu a binilinna dagiti kakadua na a mangisursuro a kitaenda a naimbag dagiti alikamen iti pagadalan tapno maliklikan a maulit iti nasao a pasamak.
Malaksid iti dayta, kiniddawna kadagiti pannakabagi ti linteg nga ikitkitada iti pagadalan da nu agpatpatrolya da tapnu makemmeg nu siasino dagiti suspek iti nasao a panagtakawan inkaso man agsubli da.
Ti laptop nga intaray dagiti saan pay nabigbig a suspek ket aggatad ti PHP 39, 900 idinto a ti CCTV recorder ket aggatad ti PHP 15, 000.
