--Ads--
Nakaibayog iti Blue Alert status ti Ilocos Sur Provincial Disaster Risk Reduction and Management Office gapu iti bagyo Mirasol ken Nando.
Iti pannaki-uman ti Bombo Radyo Vigan ken ni PDDRMO Rhon Arquelada, adda pay laeng iti normal a lebel ti danum kadagiti karayan ken awan ti pangta ti storm surge kadagiti kabaybayan.
Nakasagana met ti provincial government kadagiti evacuation center a mabalin a kumamangan dagiti posible a maibakwit no bilang pumigsa ti tudo.
Nabalakadan pay dagiti mangngalap a saanda pay laeng nga agturong iti taaw gapu ta saan a natalged kadagitoy a panawen.
-- ADVERTISEMENT --
Agtultuloy ti monitoring ti nasao nga opisina ken ti panangipakaammoda kadagiti agindeg no ania ti update mainaig iti bagyo.
