Kinumpirmaran ti Provincial Government of Ilocos Sur ti umuna a nairekord a kaso ti Mpox iti probinsia.
Ti pasyente ket agtawen iti tallopulo ket uppat a babai manipud iti ili ti Tagudin.
Nangrugi a nakarikna iti sintomas kas ti gurigor, rashes, ken swollen lymph nodes idi December 2024 idi adda pay laeng idiay abroad.
Simmangpet iti pagilian idi March 1, 2025 ken agdama a dumaldalan iti treatment iti Ilocos Training and Regional Medical Center.
Daytoy ket isolated case nga awan ti ebidensiana iti local transmission ta adda history-na iti international travel.
Mangisaysayangaten ti local epidemiology ken surveillance officers iti imbestigasyon ken kitkitaendan dagiti posible pay a nakapulapolna.
Nabalakadan ti publiko nga agkalma ken suroten dagiti preventive measure.
