VIGAN CITY– “Bunga ken pammaneknek ti napudno a panagserbi” dayta ti panangibilang ni Gov. Ryan Singson ti panagbalin ti probinsiya a grand slam awardee iti Seal of good local governance (SGLG) babaen iti Department of Interior and Local Government (DILG)
Ti pannakiuman ti Bombo Radyo Vigan kenni Gov. Singson, inpakaammo na a kada tawen ket rumigrigat dagiti criteria nga isu ti inspirasyon dagiti empleyado ken opisyal ti provincial government ken dagiti local government unit tapno agtitinnulong ket igaed da iti agtrabaho tapno maikkan ti napintas a serbisyo iti publiko.
Karaman pay kadagiti mapadayawan ti seal of good local governance ket ti syudad ti vigan ken candon ken ti ili ti Caoayan; Salcedo; San Esteban; San Ildefonso; San Vicente; Santa; Sta. Catalina; Sto. Domingo ken Tagudin
