Nabara ti pannakapasangbay dagiti delegado ti Ilocos Sur para iti 2025 Palarong Pambansa a maang-angay ita a tawen idiay Laoag, Ilocos Norte.
Iti pannaki-uman ti Bombo Radyo Vigan ken ni Marvelous Ragasa, Boxing Coach, nasayaat ti panang-accommodate kadakuada ti Bacarra Local Government Unit nga isu ti ayan dagiti billeting areas-da.
Adda met dagiti conditioning exercises dagiti ubbing tapno mayadaptarda ti bagida iti venue.
77 ti pakabuklan a bilang dagiti Ilocos Sur delegate a buklen dagiti atleta, coaches, technical working group, ken volunteers.
41 dagiti atleta a kwalipikado nga agay-ayam iti archery, pencak silat, badminton, basketball, table tennis, lawn tennis, ken wrestling.
Nupay kasta, pagyamananda ti suporta nga impaay kadakuada ti Provincial Government of Ilocos Sur iti isasalida iti kompetisyon.
