--Ads--
VIGAN CITY – Pinasingkedan ni Barangay Captain Kristoffer Monis a passable wenno mabalinen a dumalanan ti Ilocos Sur-Abra road ken amin dagiti kalsada idiay Barangay Lungog, Narvacan, Ilocos Sur.
Iti pannaki-uman ti Bombo Radyo Vigan ken ni Monis, adda laeng dagiti sumagmamano a pagtaengan a nalayus gapu iti panagsabat ti danum iti kataltalunan ken ti panaglupyas ti karayan ngem awan kadakuada ti kinasapulan a maibakwit.
Awan met dagiti kayo a natwang wenno naibalandra kadagiti kalsada isu a nawaya dagiti motorista a makadalyasat.
Nupay kasta, nagpalagip ni Monis kadagiti agindeg nga agsagana, agalibtak ken saandan nga urayen a kumaro ti sitwasyon sakbay nga agbakwitda.
-- ADVERTISEMENT --
