Kiniddaw ni Cagayan de Oro City 2nd District Rep. Rufus Rodriguez iti Bangko Sentral ng Pilipinas (BSP) a bantayan a nalaing dagiti illegal online payment platform nga adda pakainaiganna iti online gambling.
Kasaruno dayta iti pammilin ti BSP kadagiti digital wallet provider nga i-unlike wenno putden ti koneksyon kadagiti online gambling site.
Segun ken ni Rodriguez, madaydayaw ti addang ti BSP ngem imballaagna ti posibilidad nga umakar dagiti mangar-aramat iti online gambling kadagiti money transfer babaen iti bangko ken dadduma pay a financial intermediaries kas dagiti pawnshop.
Natalek ti kongresista a sumapul iti wagas dagiti online gambling operator tapno maituloy ti operasyonda ken singasingna nga agpatulong ti BSP iti Department of Information and Communications Technology.
