Inlawlawag ni Commission for Instrastructure (ICI) Executive Director Atty. Brian Hosaka nga awan pay iti naawatda nga impormasyon a mabuwag ti komisyon inton February 2026.
Sungbat dayta ti komisyon kasaruno ti sarita ni Senator Imee Marcos a nakaawat ti impormasyon manipod iti saan a nainaganan a source a mabuwagen ti komisyon inton sumaruno a bulan.
Kinuna ni Hosaka nga awan pay ti naawat ti komisyon nga aniaman a pakaammo manipod Malakanyang maipanggep iti nasao a banag.
Maipalagip nga idi December 2025 ket epektibo ti resignation ni dati a Department of Public Works and Highways (DPWH) Secretary Rogelio Singson kas commissioner iti ICI ken simmaruno ni Commissioner Rossana Fajardo idi December 31.
Iti agdama ket ni laengen Chairman Andres Reyes ti nabatbati a miembro ti komisyon kaduana ti Special Investigator a ni dati a Philippine National Police Chief Gen. Rodulfo Azurin Jr.
