--Ads--
Inkalintegan ni International Criminal Court President Tomoko Akane a saan a nasken a mawaswas ti ICC ken saanda a sumardeng iti trabahoda uray adda sanction nga impataw ti Amerika kenkuana ken dagiti dadduma a huwes ti nasao nga international court.
Segun ken ni Akane, agtultuloy ti pannakaawat iti suporta dagiti sumagmamano a world leader ken saan a simmuko dagiti dati a huwes a nakapadas iti sanction.
Kabayatanna, pinasingkedan ni US Secretary of State Marco Rubio a naipatungpal ti sanctions kontra kadagiti opisial ti ICC.
Maikonkonektar daytoy iti warrant of arrest nga inruar ti ICC kontra ken ni Israeli Prime Minister Benjamin Netanyahu idi November 2024 mainaig iti alegasion ti war crimes ken crimes against humanity.
-- ADVERTISEMENT --
