Nagpanawagan ti International Coalition Human Rights Group in the Philippines (ICHRP) iti International Criminal Court a dagus nga agirruar ti warrant of arrest kontra kadagiti dati ken agdama nga opisial ti gobierno a nadakamat kas co-perpetrators iti maipagarup a crimes against humanity mainaig iti kampania ti illegal a droga ni dati a Presidente Rodrigo Duterte.
Pinasingkedan ni ICHRP Chairperson Peter Murphy a nasken nga imbestigaran dagiti nainaganan nga opisial a maigiddan ken ni Duterte nga agdama nga adda iti kustodiya ti ICC.
Impaganetget ti grupo a ti panagdengngeg ti kumpirmasion ti kaso inton Pebrero 23 ket agserbi kas napateg nga addang para kadagiti biktima ti drug on war.
Inawat met ti ICHRP ti nagbalin a desision ti ICC Pre Trial Chamber I nga imbasura ti mosion ti kampo ni Duterte a saan isuna a fit to trial.
