Kinanselar ti International Criminal Court Trial Chamber III ti naituding a July 14 status conference iti kaso ni dati a Presidente Rodrigo Duterte kalpasan ti panangipakaammo dagiti partido ken dadduma pay a karaman nga awan ti partikular nga isyu a kasapulan a matratar iti agdama a paset ti proceedings.
Gapu dayta ket saan nga intuloy ti korte ti panagdengngeg a naituding koma para kadagiti procedural matter.
Agtalinaed a naituding ti sumaruno nga status conference inton Setyembre 16, idinto a ti pormal a trial iti kaso a crimes against humanity kontra ken ni Duterte ket mangrugi inton Nobiembre 30, 2026 idiay The Hague.
Immunan a pinasingkedan ti ICC a namnamaenda a personal a dumar-ay ni Duterte iti sumaruno nga status conference, malaksid laeng no adda baro a pammilin ti korte.
Dagiti status conference ket saan pay a paset ti aktwal a trial, no di ket agserbi a pakatrataran iti schedule, panagsagana iti agsinnumbangir a partido, ken dadduma pay a procedural issues sakbay ti panangrugi ti trial.
