Sinitar ni International Criminal Court Judge Julia Motoc ti defense team ni dati a Presidente Rodrigo Duterte mainaig iti panangibutaktakna iti impormasion dagiti biktima ken testigo iti panagdengngeg.
Iti maikapat ken maudi nga aldaw ti confirmation of charges hearing, pinalagipan ni Motoc ni Nicholas Kaufman, kangrunaan nga abogado ni Duterte nga idayaw ti desisionda a “redactions” ken saan nga ibutaktak dagiti nagan ken dadduma pay nga impormasion dagiti testigo ken biktima iti publiko.
Nagtultuloy ni Kaufman ken pinagyamananna ti hukom para iti konsiderasionna ken kinunana a raemenda ti desision ti ICC.
Maipalagip a temporaryo a naputed ti livestream ti maikatlo nga aldaw ti panagdengngeg kabayatan ti panangipila ti depensa ti merito dagiti kaso kalpasan nga imbutaktak ti depensa dagiti detalye nga indulin ti prosekusyon para iti kinatalged dagiti biktima ken testigo.
