Impaganetget ni dati nga Integrated Bar of the Philippines President Atty. Domingo Cayosa a saan a nasken a mawaswas ti impeachment complaint kontra ken ni Vice President Sara Duterte babaen laeng iti consensus wenno majority decision.
Maipalagip a kinuna idi ni Senate President Chiz Escudero a mabalin a mawaswas ti impeachment case babaen laeng ti majority vote dagiti senador-judges.
Segun ken ni Cayosa, saan a napateg no posible wenno mayannatup met laeng daytoy nga aramiden ta napatpateg nga agtuloy ti kaso ken mangngegan dagiti senator-judge ti kalintegan ti agsinnumbangir a partido.
Innayon ti abogado a ti pannakawaswas ti kaso ti bise presidentde ket naibasar laeng iti teknikalidad ken agserbi a ‘shortcut’ iti proceedings a saan man laeng a naikonsidera dagiti merito ti kaso, banag a nangpakapsut iti konsepto ti impartiality at accountability iti impeachement process.
