Nangisayangkat ti Integrated Bar of the Philippines – Ilocos Sur Chapter iti seminar mainaig iti Judicial E-Payment and E-Filing System kas panangrambak iti Rule of Law Month ita a bulan ti Setyembre.
Naangay ti seminar diay Aula Hall, Immaculate Conception School of Theology, Burgos Street, Vigan City, Ilocos Sur babaen iti panagbinnulig ti University of Northern Philippines ken IBP-Ilocos Chapter.
Iti pannaki-uman ti Bombo Radyo Vigan ken ni Atty. Alwyn Arrocena, babaen iti E-filing ken E-payment system ket saanen a kasapulan a mapan pay laeng iti korte tapno agipila iti kaso wenno mapan agbayad ta mabalin nga aramiden babaen iti electronic gadget.
Daytoy a seminar ket gagemna a malawlawagan dagiti amin a miembro ti IBP inag iti nasao nga addang ta dakkel ti maitulongna kadagiti kliyente.
Iti agdama, adda pay laeng iti transition period ti IBP para iti pannakaipatungpal ti nasao a sistema ngem manamnama nga inton Disyembre ket isu ti full implementation-na.
