Indeklarar ni Presidente Ferdinand Marcos Jr ti Hunyo 6, 2025 kas regular holiday iti pagilian para iti Eid’l Adha.
Pinermaan ni Presidente Ferdinand Marcos Jr ti Proclamation No 911 kas panangsurot iti singasing ti National Commission on Muslim Filipinos basar iti 1446 Hijrah Islamic Lunar Calendar.
Ti Eid’l Adha ket maysa kadagiti dua a kapatgan a rambak iti Islamic calendar, kasaruno iti Eid’l Fitr nga agleppas iti holy month of Ramadan.
Iti panangrambak ti Eid’l Adha, dagiti Muslim ket mangisagut iti dingwen kas ti karnero, kalding, baka ken kamelyo para ken ni Propeta Ibrahim a nangisagut iti anakna.
Daytoy a deklarasyon ket maisurot iti Republic Act 9849, a mangitudtuding iti sangapulo nga aldaw ti bulan ti Zhul Hijja iti Islamic calendar.
