VIGAN CITY – Agtultuloy ti clearing operation ken pannakamonitor dagiti aglablabsing iti provincial ordinance inaig ti pannakaipagel kadagiti traysikel ken kurong-kurong a dumalan iti mismo tingnga ti national highway agsipud ta adda ti outer lane a mabalin da a pagnaan.
Maibasar iti panagmonitor ti grupo ni Police Major Jordan Sambo, mangidaulo ti Highway Patrol Group ti Ilocos Sur, ad-adu dagiti sumursurot ngem adda latta dagiti aglablabsing iti nasao nga ordinansa.
Agsipud iti dayta, kanayon iti panangpalagip da Sambo iti publiko a sumurot da tapnu saan da nga agmuwelta.
Malaksid iti dayta, ingunam-gunam na a saan a mabalin nga irason dagiti motorsista nga adda dagiti makasali iti idadalan da iti outer lane agsipud ta agtultuloy met iti panangwaknit da kadagiti makasali a banag iti igid iti national highway.
