House Quad Committee, pokusanda pay laeng ti panagtulong kadagiti biktima ti bagyo Kristine

Pokusan dagiti miembro ti House Quad Committee ti panagtulong kadagiti biktima ti bagyo Kristine kadagiti distritoda.

Segun ken ni Quad Committee Overall Chairman ken Surigao Del Norte 2^nd District Rep Robert Ace Barbers, daytoy ti rason no apay a nakanselar ti maika-sangapulko koman a hearing ita nga aldaw inaig iti extra judicial killings, iligal a droga ken Philippine Offshore and Gaming Operators.

Inaig dayta, inyunay-unay ni Barbers ti kinapateg ti whole-of-nation approach tapno malasatan ti krisis nga epekto ti Bagyo Kristine.

Innayon ni Barbers a saan a daytoy ti husto a panawen ti panagsisina ta kasapulan ita ti panagkaykaysa tapno maipaay ti tulong kadagiti biktima ti didigra.