--Ads--
Kiniddaw ti House Prosecution iti Senate Impeachment Court ti panagaramat ti Filipino language iti impeachment trial ni Vice President Sara Duterte a mangrugi inton Hulyo 6.
Segun ken ni House Lead Prosecutor ken Batangas Rep. Gerville Luistro, pormal nga inaladda iti kiddaw iti mapasamak a pre-trial conference inton June 18.
Dinakamat ni Luistro a gagem ti request-da a maawatan dagiti ordinary a Pilipino iti amin a mapasamak iti impeachment trial kangrunaan ket adu dagiti legal term ti masarita.
Kinunana a nasaysayaat no maaddan ti simultaneous translations iti agduduma a kangrunaan a lenguahe iti pagilian iti trial ni VP Sara.
-- ADVERTISEMENT --
