Impasigurado ti House prosecution nga agtalinaed a nakapokusda iti panangidatag kadagiti ebidensia iti impeachment trial ni Vice President Sara Duterte uray no adda panggep a maallilaw ti publiko.
Segun ken ni dati a Surigao del Norte Rep. Robert Ace Barbers, pannakangiwat ken adviser ti prosecution panel, saan a makigiddan ti biangda iti agduduma a naratibo, no di ket pabilgenda dagiti ipasangoda nga ebidensia iti impeachment court.
Innayon ni Barbers a napateg a makita dagiti senator-judge ken ti publiko ti linaon dagiti ebidensia nga ipasango ti prosekusyon.
Iti umuna a lawas ti panagusig, impresenta ti prosekusyon dagiti ebidensia mainaig iti Article IV ti Articles of Impeachment.
Karaman ditoy ti testimonia ni NBI Senior Agent John Mark Calilung a nangpaneknek kadagiti video a naaramat kas paset ti alegasion kontra ken ni Duterte.
