Inlaksid ti House Committee on Justice ti immuna nga impeachment complaint kontra ken ni Vice President Sara Duterte kalpasan a nagbotos iti 22-10 pabor iti mosyon ni Keith Flores.
Segun ken ni committee chair Gerville Luistro, saanen a mairaman iti panagdengngeg ti nasao a reklamo ta naglabsing daytoy iti one-year bar rule, a mangibagbaga iti maysa nga impeachment proceeding laeng ti mabalin a rugian kontra iti maysa nga opisial iti kada tawen.
Ti immuna a reklamo nga impila idi Pebrero 2 ni France Castro ken dadduma pay, ket napabasul ni bise presidente iti betrayal of public trust ken culpable violation of the Constitution gapu iti mapapati a saan a husto a panagaramatna iti P612.5 million a confidential funds.
Gapu dayta, 2 laengen ti nabatbati nga impeachment complaint kontra iti bise presidente.
