Leppasenen ita nga aldaw, December 9, 2024 ti House Committee on Good Government and Public Accountability iti imbestigasyon iti pannakaaramat ti confidential funds iti opisina ni Vice President Sara Duterte kas impakaammo ni Manila 3rd District Representative Joel Chua.
Inlawlawag ni Committee Chair Chua a ti panagleppas ti imbestigasyon ket mangpalubos ti Armed Forces of the Philippines a mangisayangkat ti imbestigasyonb iti alegasyon a dua a military officers iti nakaawat ti paset ti confidential funds manipod opisina ni Duterte.
Segun ken ni Chua, tapno malawagan ti nasao a banag ket bay-anda ti AFP a mangisayangkat ti bukodda ng imbestigasyon.
Kinuna ni Chua nga adda payen dagiti nagipasa ti impeachment complaints kontra ken ni Vice President Duterte isu nga inkeddengda a leppasen ti imbestigasyon tapno maliklikan a maaramat iti sabali a banag.
