Pormalen a nagipatulod ti Notice to Respondent ti House of Committee on Justice ken ni Vice president Sara Duterte maipanggep iti dua a verified impeachment complaint kontra kenkuana.
Ti notice a napetsaan iti March 4, 2026, naipatuloden iti Office of the Vice President idiay Mandaluyong City, nabilin ni Duterte nga agipasa iti verified answer-na iti uneg iti sangapulo nga aldaw a saan a mabalin a mapawaywayan kasaruno iti House rules iti impeachment proceedings.
Segun ti komite nga idadauluan ni Rep. Gerville “Jinky Bitrics” Luistro, nakitaan ti sufficient in substance dagiti reklamo nga impeachment.
Ti dua a reklamo ket impila da Joel Saballa ken Atty. Nathaniel Cabrera.
Imballaag iti komite a no saan a maipasa iti sungbat iti naituding a panawen ket maibilang a panangtallikod iti karbengan a sumungbat ken maipagarupen a panangkedked dayta kadagiti alegasyon.
Naawat itay iti opisina iti nasao a notice iti alas dies kuarentay kuatro itay bigat.
