--Ads--
Dumawat ti House Infrastructure Committee ti opisial a kopya ti maawagan a Cabral files iti Department of Public Works and Highways (DPWH) mainaig iti imbestigasion ti korapsion ti flood control projects.
Segun ken ni InfraComm co-chair at Bicol-Saro Partylist Rep. Terry Ridon, pormal a kiddawen-da ti dokumento inton sumaruno a lawas.
Inlawlawag ti agpampanday linteg a ti addang ket saan a tapno babalawen ti dokumento nga inruar ni Batangas Rep. Leandro Leviste, ngem tapno maaddaan ti opisial a kumpleto a rekord ti komite.
Pinasingkedan ni Ridon a no kas man bilang maawan ti bileg ti Independent Commission for Infrastructure ket biagen ti tri-committee ti imbestigasion. Reynand Fontejon
-- ADVERTISEMENT --
