Kinumpirmaran ni Senate President Vicente “Tito” Sotto III a nakiddaw iti pannakidalan ti house arrest dagiti tallo a dati a opisyal ti Department of Public Works and Highways (DPWH)- Bulacan First Engineering District nga agdama a nakaibalud iti Senado kalpasan a na-contempt iti panagdenggeg iti Senate Blue Ribbon Committee.
Segun ken ni Sotto, nakaawat isuna iti surat manipod kadagiti dati nga opisyal a da Henry Alcantara, Brice Hernandez, ken Jaypee Mendoza nga agpapada a dati a district engineers iti DPWH idiay Bulacan.
Kinuna ni Sotto a pagpapatangan pay idiay Senado iti kiddaw dagiti tallo apaman a makasubli iti pagilian ni Senator Erwin Tulfo nga acting chairman iti Senate Blue Ribbon Committee nga agdama a naka-official trip iti ruar iti pagilian.
Kabayatanna, saan met a nagipasa iti kas iti nasao a kiddaw ti contractor a ni Pacificio “Curlee” Discaya, nga addaanen ti pending petition for habeas corpus iti Pasay City Regional Trial Court.
Maipalagip a na-contempt idiay Senado ni Hernandez idi September 8 gapu iti mapapati a panagsalawasawna iti Blue Ribbon hearing.
