VIGAN CITY– Dua laengen a pagilian iti agbinbinnalubal para iti panaghost iti maika-67 nga edisyon iti prestihiyoso a beauty pageant iti intero a lubong, isu ti Miss Universe.
Ti pannaki-uman ti Bombo Radyo Vigan ken ni dati nga Ilocos Sur Governor nga agdama a Narvacan councilor Luis “Chavit” Singson a maysa pay kadagiti kadakkelan nga sponsor ti nasap a beauty pageant a ti South Korea ken China, nangruna ti Macau iti agtaltalinaed a nainget nga agkalaban para ti hosting ti Miss Universe ita a tawen.
Segun ken ni Singson, bimmassit iti tsansa ti Vietnam para iti nasao a bidding gapu ta adu dagiti dadakkel nga sponsor ti South Korea ken China a mangsuporta kadakuada tapnu maysa kadakuada iti makapaghost iti nasao a beauty pageant.
Maipalagip a kalikagum ti South Korea nga idiay pagilian da iti pakaisayangkatan ti Miss U pageant gapu ta patien da nga isu iti maysa pay kadagiti mangpatibker iti langen da ti North Korea.
Ti maika-67 nga edisyon ti beauty pageant ket nakasagana a koronaan ni Miss Universe Demi Leigh Nel Peters iti successor na ket ti top 5 finisher ti Miss World 2016 a ni Catriona Gray iti mangibagi ti Pilipinas iti nasao a pasalip.
