Impanawagan ni Senador Sherwin Gatchalian ti pannakaidatag ti home for the aged nga imatonan ti lokal a gobierno gapu iti umad-adu a senior citizen a nabaybay-an.
Pinasingkedan daytoy ni Gatchalian kalpasan ti panangipasiguradona a maital-o ti linteg inaig iti kriminalisasyon iti panangabuso kadagiti senior citizen.
Maipalagip a nangipila ni Gatchalian iti Homes for Abandoned Seniors Act(Senate Bill 950) a ti gagemna ket maidatag dagiti nursing home para kadagiti senior citizen nga imatonan ti Department of Social Welfare and Development, babaen iti pannakibinnuligda kadagiti maseknan nga LGU.
Iti salinong ti linteg, dagiti LGU ti manamnama nga agipatakder kadagiti nasao a pasilidad.
Nagpanawagan pay iti suporta ti senador para iti Senate Bill 816 a ti gagemna ket pagbalinen a krimen ti panangabuso kadagiti senior citizen.
