Nagpalagip ti Highway Patrol Group – Ilocos Sur kadagiti motorista ita nga adu iti agbibiahe gapu ti holiday season.
Iti pannaki-uman ti Bombo Radyo Vigan ken ni PMaj. Jordan Sambo a Provincial Head iti HPG-Ilocos Sur, rumbeng laeng a tunggal agmaneho dagiti motorista ket itugotda dagiti dokumento iti lugan a kas ti certificate of registration, official receipt of payment ti registration iti lugan ken driver’s license.
Segun ken ni Sambo, masapul pay a sakbay iti panagbiahe ket kitaen a nalaing ti pagluganan ta rumbeng a nakakondisyon ken uray ti agmaneho ket nasayaat ti rikriknaenna.
Kinunana a ti kangrunaan nga aksidente a mapapasamak ket gapu ti reckless driving wenno human error isu a masapul a nakakondisyon ti bagi tunggal agmaneho.
Balakadna kadagiti nagannak a paritan dagiti annakda a menor de edad nga agmaneho ta ngimmato ti bilang dagiti maak-aksidente a nakairamanan kadagiti menor de edad.
