Sinentensyaan ti Department of Public Works and Highways a guilty ni dati a Bulacan 1st District Engineer Henry Alcantara iti kaso nga administratibo mainaig kadagiti ghost flood control project iti nasao a probinsia.
Maibasar iti decision a pinirmaan ni DPWH Secretary Vince Dizon, napaneknekan a nagbasul ni Alcantara kadagiti panaglabsing kas ti disloyalty to the Republic of the Philippines, grave misconduct, gross neglect in the performance of duty, ken Conduct Prejudicial to the Best Interest of the Service.
Innayon ni Dizon a ti nasao nga addang ket ballaag kadagiti opisial ken kameng ti DPWH a responsible kadagiti ghost ken substandard a proyekto nga impasigurado met ti gobierno a madusa dagiti karaman iti anomalya.
Immunan a naipadamag a pormal a nasikkat iti serbisio kas assistant regional director ti DPWH Region 4A ni Alcantara.
