Pormalen a nagtugaw kas Philippine Army chief ni Lieutenant General Donald Gumiran ket isuna ti maika-innem a pulo ket walo a mangidaulo iti ahensia.
Sinukatan ni Gumiran ni General Antonio Nafarrete a nadutokan idi napalabas a bulan kas Armed Forces of the Philippines (AFP) chief.
Iti mensahe ni Gumiran, indatag na dagiti sumagmamano a programa a mangtutok iti panagbaliw, kinasagana, nation-building, organizational development ken ti kina-adda ti buteng iti Diyos nga isu ti mang-tarabay iti responsibilidad-na.
Nagbalin a kangrunaan bisita iti turn over ceremony idiay Fort Anders Bonifacio, Taguig City ni Presidente Ferdinand Marcos Jr. no sadino inallukoy na ni Gumiran a pagtalinaeden ti nalinteg a responsibilidad ti maysa a suldado ken maaddaan ti talek kadagiti kakaduana.
Inikkan pateg ti presidente ti akem ti suldado iti panagresponde no adda mapaspasamak a kalamidad kas ti bagyo ken dadduma.
