Agsagsaganan ti Government Service Insurance System (GSIS) para iti pannakaipatungpal ti loan program para iti state employees tapno mabayadan ti installation iti home solar panels kagiddan iti nangina nga oil price ken bayad iti kuryente gapu iti riribok idiay Middle East.
Segun ti GSIS, inaprubaranda iti P12.5 billion para ti Ginhawa Solar Energy Loan Program ken P60 million para ti insurance coverage iti solar panel installation.
Ti programa ket mangpalubos iti government employees nga addaan iti tallo a tawen iti serbisyo nga umutang iti agingga P500,000 tapno mabayadan ti residential solar panel systems.
Kinuna ni GSIS President ken General Manager Wick Veloso a ti inisyatiba ket maidiaya kadagiti miembro iti practical a wagas tapno mamanehar iti panagpangato iti presyo iti kuryente.
