Nagpanawagan ti grupo dagiti retirado ken aktibo a heneral nga agsapulti judicial remedies wenno agikkat iti serbisio dagiti opisial iti gobierno no saanda a kabaelan a suportaran ti opisyal a posisyon iti pagilian idiay West Philippine Sea (WPS).
Ti nasao a grupo ket idadauluan ni retired Police Major General German Doria.
Iti opisyal a manipesto ti grupo a nairuar idi Huebes, August 6, kinuna ti Association of General and Flag Officers (AGFO) a ti panangsurot kadagiti legal nga obligasyon ti Pilipinas idiay West Philippine Sea ket patangan iti panangsurot ti linteg ken saan nga iti biang laeng iti pulitika.
Segun ti grupo, dagiti opisial a saanna a kabaelan a suportaran dagiti naiyetnag iti linteg wenno kadagiti pakasaritaan a legal submissions kas ti panagipila idi kallabes ti Extended Continental Shelf, ket adda akemna a sumango kadagiti judicial remedy wenno ag-step-aside tapno mapagtalinaed ti talek iti publiko.
