Kiniddaw ti maysa a grupo dagiti abogado iti Korte Suprema a bilinen ni Presidente Ferdinand Marcos Jr., ti kongreso, ken nadumaduma nga ahensia ti gobierno a sulbaren ti kanayon a parikut iti layus ditoy pagilian babaen iti maysa a Writ of Kalikasan petition.
Karaman iti petision ti panangibilin iti presidente iti panangdalus kadagiti pagayusan ti danum; iti DILG ken dagiti LGU tapno ag-declog ti karayan, kanal, ken drainage system; ken iti DPWH a mangsimpa ken mang-rehabilitate kadagitoy.
Nakiddaw pay a maobligar ti Kongreso nga ipasa ti nabayagen a nakapempen a National Land Use Act tapno mabigbig dagiti geo-hazard areas.
Karaman kadagiti naireklamo ti Senado, Kamara, DPWH, DILG, MMDA, DBM, DENR, RCBO, amin nga LGU, ken dagiti kontratista ti flood control.
