Napalaus ti ragsak ken panagyam dagiti grand draw winners ti Swerte sa Palengke 2026 ti Bombo Radyo Philippnes.
Ti napagasatan iti first prize P25, 000 ket ni Myrna Casia manipud iti Sitio Bauco, Barangay San Jose, Narvacan, second prize P15, 000 ni Diosabel Gabiat iti Barangay Paoc, Norte, Sta Lucia ken iti third prize P10, 000 ni Nelson Basconcillo iti Barangay Macaoyan, Burgos.
Iti pannakiuman ti Bombo Radyo Vigan ken ni Myrna Casia, napalaus ti ragsak ken panagyaman na kadagiti amin a naayat nga sponsors ken ti Bombo Radyo Philippines.
Aramaten ni Casia ti napangabakan na iti panangtarimaan ti pagtaengan da gapu ta nadaras daytoy a malayus no sumangbay ti panagtutudo.
Para met ken ni Diosabel Gabiat, saan na a ninamnama a a mangabak iti grand draw gapu ta damo na laeng a makisali babaen ti panang-guyogoy kenkuana ti lola-na.
Naragsak ken pagyamanan ni Gabiat dagiti amin a paset ken karaman iti balligi a Swerte sa Palengke 2026.
Kabayatanna, aramaten met ni Nelson Basconcillo ti inabak na a P10, 000 para iti paggatang kadagiti kasapulan na iti panagtalon ken kadagiti dadduma pay a kasapulan iti pagtaengan da.
