VIGAN CITY– Nakakaasi iti sinagrap iti maysa a Grade 4 student gapu iti panakakuryente na iti live wire nga ingagara nga inkabit iti maysa a mangisursuro iti steel window iti kantina iti maysa a pagadalan idiay Brgy. Anaao ,Alilem, Ilocos Sur.
Binigbig ni Major Jeff Macaraig, hepe ti Alilem municipal police station ti biktima a ni Lord Gigne Aupac, agtawen iti sangapulo ket maysa , ken taga Brgy. Anaao, Alilem ken grade 4 student ti Anaao Elementary School.
Maibasar iti imbestigasyon , ingagara ti maestro a ni Previlino Valdez nga inkabit ti live wire iti tawa tapno makemmeg ti suspek iti panagtakawan.
Segun ti report, nakita laengen ni Valdez iti biktima nga awan biag nan ken nakadekket iti bintana.
Nagsagaba ti biktima ti minor electric burns iti nadumaduma a paset iti bagi na a rason iti nakatayan na.
Imimbestigaran dagiti otoridad iti napasamak.
