Boluntaryo a simmuko kadagiti pannakabagi ti linteg ti maysa a Grade 7 student nga agtawen iti 12, awan pay maysa oras kalpasan a binagkong ti padana nga estudiante iti ruar ti Sum-ag National High School idiay Barangay Sum-ag, Bacolod.
Segun iti Police Regional Office-Negros Island Region, nagasagaba iti minor stab wounds iti kannigid a takyag ken bakrang ti Grade 8 studeng nga agtawen iti 14 a biktima.
Maibasar iti imbestigasion, naaddaan iti riribuk iti ruar ti pagadalan iti alas kuatro disi otso iti malem.
Dagus a nagresponde dagiti kameng ti Barangay Sum-ag Rescue Unit, nangipaay iti first aid kid ken naitaray iti ospital ti biktima.
Kalpasan ti napaspas nga imbestigasion, boluntaryo a simmuko ti suspek, a nabigbig kas maysa a child in conflict with the law iti Police Station 9, iti alas singko ti malem.
