VIGAN CITY – Nainsulto ni Governor Ryan Singson iti galad nga ipakpakita ti IS-C6 a kumpirmado nga addaan iti COVID19 na a naka isolate idiay Camp Presidente Elpidio R. Quirino, Bulag, Bantay.
Ti pannaki-uman ti Bombo Radyo Vigan kenni Singson, nakaawat isuna iti report manipod kadagiti health workers a mangmonmonitor kenkuana inaig iti ugali nga ipakpakita na kadakuada a saan a pag-ayatan.
Ado dagiti tawag a maawawat ti gobernador manipod kadagiti gagayyem iti nasao a pasiente a mangidandanun nga apay a naka isolate isuna ket saan met a nakaro iti sitwasyon na.
Ilawlawag ti opisyal nga awan iti nilabsing da a data privacy ti IS-C6 ta saan a nainaganan isuna ken nakaipalaon iti statement ti probinsya nga iti tawen ken trabaho na iti naibaga iti publiko.
Saan nga agpublic apology ni Governor Ryan iti nasao a patiente no ketdi kiniddaw na nga iso iti dumawat iti dispensar kadagiti health worker a binastos na.
