Impatangken ti Malakanyang a saan a makitintinnulong ti Philippine Government iti International Criminal Court (ICC).
Dayta ti sungbat ni Palace Press Officer Undersecretary Atty. Claire Castro idi nasaludsod maipanggep ti sarita ni ICC Spokesperson Dr. Fadi El Abdallah a nagyaman iti Pilipinas iti panangipatungpal ti international accountability mechanism idi nagiruar ti korte iti warrant of arrest kontra ken ni dati a President Rodrigo Duterte.
Inyunay-unay ni Castro a saan a makikamkammayet iti pagilian iti ICC ta aniaman a takder ni President Ferdinand Marcos Jr. ket agtaltalinaed latta.
Maipalagip nga inasistaran ti Philippine authorities idi March 11 ti International Criminal Police Organization iti pannakaiserbi ti warrant of arrest manipod ICC ken ni Duterte para iti crimes against humanity maipanggep ti drug war.
