Nalpasen ti kampania ti Gilas Pilipinas iti FIBA Asia Cup 2025 kalpasan nga inabak ida ti Australia iti iskor nga 84-60.
Iti umuna a quarter ket dominadon ti Boomers iti ay-ayam babaen ti 29-12 a napasamak iti King Abdullah Sports City idiay Saudi Arabia.
Pinilit ti Gilas a makakamakam ti puntos ngem narigatanda ket saanda a naartapan ti Boomers.
Daytan iti maikatlo a daras a pannakapaay ti Gilas Pilipinas a makastrek ti semifinals iti FIBA Asia Cup kalpasan ti back-to-back a runner-up place da idi 2013 idiay Manila ken 2015 a napasamak met idiay Changsha, China.
Dakkel a karit iti Gilas iti kaawan da Calvin Oftana ken CJ Perez gapu ti ankle injuries a sinagabada kadagiti immuna nga ay-ayam.
Nasayang met ti sangapulo ket pito a puntos ni Kevin Quiambao, sangapulo ket lima a puntos ni Dwight Ramos ken sangapulo a puntos ni Justin Brownlee.
