Inabak ti Gilas Pilipinas ti host a Saudi Arabia iti overtime game iti iskor a 95-88 a gappuanan ti panagabansedan iti quarterfinal round iti FIBA Asia Cup 2025 isu a manamnama a makasangoda iti Australia.
Ti nasao nga ay-ayam ket dakkel a kari titi Gilas ta saan a nakaay-ayam ni Calvin Oftana a nagsagaba ti ankle injury ken ni CJ Perez a nagsagaba met laeng iti ankle injury iti maikadua a quarter.
Iti umuna a paset ti first quarter ket dominado ti Gilas iti ay-ayam ta immabot pay iti sangapulo a puntos iti lamang ngem saan a simmuko ti Saudi ken pinilitda a makakamakam.
Impakita ni Justin Brownlee iti “never say die” attitude-na kalpasan a naipastrekna ti three-points iti nabatbati a 3.7 seconds iti last quarter isu a naitabla iti 79-all iti ay-ayam isu a nakastrek iti overtime.
Bayat ti overtime ket nagtitinnulong da Kevin Quiambao, Dwight Ramos ken Brownlee tapno abaken ti host country.
Indaluan ni Brownlee iti panagabak ti Gilas ta nakairekord iti duapulo ket siam a puntos, uppat a rebounds ken lima nga assists.
