Idurduron ti Nagkaisa Labor Coalition a mairaman met iti Social Security System coverage dagiti maaw-awagan a “gig” workers wenno platform workers.
Dayta ti takder dagiti labor group iti kalkalpas a National Tripartite Conference.
Dayta ket iti baet ti panagbalin a vulnerable wenno panagsakit ti nasao a sektor gapu iti klase ti serbisio nga ipapaayda iti publiko.
Impaganetget ni Atty. Sonny Matula iti Nagkaisa nga amin a mangmangged, regular, independent contractors wenno self-employed ket nasken a mairaman iti state social security net imbes a mangnamnama iti limitado a pribado nga insurance scheme.
Iti agdama, adda ti Department of Labor and Employment Labor Advisory No 14-21 a mangitudtuding iti guidelines para iti Philippine platform economy, kangrunaan kadagiti karbengan dagiti delivery rider ken courier services.
