Opisyalen a nagtakem kas baro a mangidaulo iti Philippine National Police kalpasan ti naisayangkat a change of command ceremony idiay Camp Crame, Quezon City.
Sinuktanna ni Police General Rommel Marbil a nayatiddug ti terminona agingga Hunyo 7.
Ni Torre a maikatallopulo ket maysa a mangidaulo ti PNP, ket isu ti kaunaan nga alumnus ti Philippine National Police Academy.
Indaulwan met ni Presidente Ferdinand Marcos Jr ti donning of rank para ken ni Torre ken binilinna ti baro a nadutokan nga opisial a siguradoen ti nadalus a ranggo ti kapulisan ken nasken a marikna ti publiko ti kaaddada.
Kabayatanna, inkari met ni Torre ti nainkalintegan, napaspas ken mapagtalkan a PNP iti salinong ti lideratona.
Gagemna a pagbalinen nga accessible ti serbisyo ti kapulisan, denggen ti arungaing ti publiko ken ingato ti moral ken kabaelan dagiti kamengda.
