Pormalen a nagsapata ni Ret. Gen. Rodolfo Azurin Jr. kas baro nga Independent Commission for Infrastructure (ICI) Special Adviser.
Sinukatan ni Azurin ni Baguio City Mayor Benjamin Magalong a nagserbi iti komisyon iti arigna dua a lawas kalpasan a nagikkat iti puestona.
Kalpasan a nagsapata kas Special Adviser iti Independent Commission for Infrastructure (ICI), imapaganetget ni Azurin nga iduronna iti kinapudno babaen iti hustisya ket saan a gapu iti rurod.
Gagem ti posisyonna a maisubli ti talek iti publiko kadagiti proyekto iti gobierno babaen iti napudno nga imbestigasyon ken panangdusa kadagiti nagbasol.
Pinasingkedan pay ni Azurin nga ita a lawas ket nakaituding nga i-validate iti komisyon ti naipasa a 421 ghost flood control projects iti Department of Public Works and Highways (DPWH) ket idauluan iti panag-document dagiti technical field engineers.
Maibasar iti panagadal iti ICI manipod 2016 agingga 2024 ket 261 iti maimimbestigaran a flood control projects iti Luzon, 109 idiay Visayas ken 51 idiay Mindanao nga isu iti mainspeksyon kadagiti sumarsaruno a lawas.
