--Ads--
Immabot pay iti P1.69 bilion ti gatad a nadadael iti agrikultura gapu iti bagyo Kristine.
Segun iti Department of Agriculture, dagiti apektado a lugar ket ti Cordillera Administrative Region, Ilocos Region, Central Luzon, Calabarzon, MIMAROPA, Bicol Region, Western and Eastern Visayas, ken SOCCSKSARGEN.
Inapektaran pay ti bagyo ti 42,346 a mannalon ken 37,590 nga ektarya ti pagmulaan nga adda iti 108,266 a metriko tonelada a kaadu ti nadadael a produksyon.
Kadakkelan ti nadadael ket iti bagas a 104,198 a metriko tonelada.
-- ADVERTISEMENT --
Nadadael pay dagiti mais, kamutit, high-value crops, taraken a dingwen, poultry, ken agricultural facilities.
Mangisayangkat ti DA iti field evaluation no la ket sumayaaten ti panawen.
